اب بھی برسات کی راتوں میں بدن ٹوٹتا ہے جاگ اٹھتی ہیں عجب خواہشیں انگڑائی کی۔

ٹوٹ پڑتی تھیں گھٹائیں جن کی آنکھیں دیکھ کر وہ بھری برسات میں ترسے ہیں پانی کے لیے۔

دھوپ نے گزارش کی ایک بوند بارش کی۔

چھپ جائیں کہیں آ کہ بہت تیز ہے بارش میرے تیرے جسم تو مٹی کے بنے ہیں

تمام رات نہایا تھا شہر بارش میں وہ رنگ اتر ہی گئے جو اترنے والے تھے۔

اس نے بارش میں بھی کھڑکی کھول کے دیکھا نہیں بھیگ نے والوں کو کل کیا کیا پریشانی ہوئی۔

میں وہ صحرا جسے پانی کی ہوس لے ڈوبی تو وہ بادل جو کبھی ٹوٹ کے برسا ہی نہیں۔

کتنی آہستہ پڑ رہی ہے پھوار تیرے لہجے کی نرمیاں جیسے۔

آج بہت دن بعد سنی ہے بارش کی آواز آج بہت دن بعد کسی منظر نے رستہ روکا ہے رم جھم کا ملبوس پہن کر یاد کسی کی آئی ہے آج بہت دن بعد اچانک آنکھ یو نہی بھر آئی ہے۔

بند کھڑ کی کے صاف شیشوں پر عکس تیرا بنا گئی بارش۔

وہ تیرے نصیب کی بارشیں ، کسی اور چھت پہ برس گئیں دل بے خبر میری بات سن ، اسے بھول جا ، اسے بھول جا۔

بارش کی آواز نے ہر رت ہی بدل ڈالی جنہیں مشکل سے بھولے تھے وہ پھر یاد آنے لگے۔

تمہیں بارش کے موسم سے بلا کا عشق ہوتا تھا برستی آنکھ میں ساون کا منظر دیکھنے آؤ۔

بارش کی بھیگی راتوں میں جب اشک فشانی ہوتی ہے۔ اک تیرا تصور ہو تا ہے اک تیری کہانی ہوتی ہے۔

اس بارش کے موسم میں عجیب سی کشش ہے نہ چاہتے ہوۓ بھی کوئی شدت سے یاد آتا ہے۔

برسات میں بھی یاد نہ جب ان کو ہم آۓ پھر کون سے موسم سے کوئی آس لگاۓ۔

رو پڑا آسمان بھی آج میری وفا دیکھ کر دیکھ بات تیری بیوفائی کی بادلوں تک جا پہنچی۔

کیا روگ دے گئی ہے ، یہ نئے موسم کی بارش مجھے یاد آ رہے ہیں ، مجھے بھول جانے والے۔

یہ رم جھم ، یہ بارش ، یہ آوار گی کا موسم ہمارے بس میں ہو تا تیرے پاس چلے آتے۔

ذرا ٹھہرو کہ بارش ہے یہ تھم جائے تو چلے جانا کسی کا تجھ کو چھو جانا مجھے اچھا نہیں لگتا۔

تم جو ہوتے توبات اور تھی اب کی بارش تو صرف پانی ہے۔

مجھے مار ہی نہ ڈالے ان بادلوں کی سازش یہ جب سے برس رہے ہیں تم یاد آرہے ہو۔

اتنے سلیقے سے یاد آتے ہو تم جیسے بارش ہو وقفے وقفے سے۔

برس رہی ہے بارش باہر!! اور وہ بھیگ رہا ہے مجھ میں۔

لوٹ آئی ہیں دیکھو بارشیں پھر سے یہاں وہاں اک تم کو ہی لوٹ کے آنے کی فرصت نہیں ملی۔

پہلے بارش ہوتی تھی تو یاد آتے تھے اب جب یاد آتے ہو تو بارش ہوتی ہے۔